Feeds:
ჩანაწერები
კომენტარები

9 სექტემბერს შედგება მატჩი აკადემიასა და ლელოს შორის. თამაში 6 საათზე, ლოკომოტივის სათადარიგო სტადიონზე, დაიწყება. აკადემია ლელოს 1 ქულით ჩამორჩება. ფაქტიურად, ამ თამაშის შემდეგ გამოვლინდება ბე ლიგის რეალური ფავორიტი. აკადემია გამარჯვების შემთხვევაში პირველ ადგილზე გადავა, თუ ლელო გაიმარჯვებს აკადემიას სამი ქულით გაუსწრებს. ა ლიგის წინა ტურში აკადემია პირველ ადგილზე გადავიდა, იმედია ბე ლიგაც მიბაძავს მათ.

რაც შეეხება ლელოს, ლელო საკმაოდ ძლიერი გუნდია. ლელომ ამ გათამაშებაში მხოლოდ ერთი თამაში წაგოო. ლელოს გატანილი აქვს 407 ქულა, გაშვებული კი, მხოლოდ 76. ლელომ დადო 57 ლელო და გაუშვა 13.

იმედია 9 სექტემბერს, 6 საათზე, ლოკომოტივის სათადარიგო სტადიონზე ბევრი გულშემატკივარი მოვა. ხვალ ბე ლიგის ყველაზე დაძაბული მატჩი გაიმართება.

Advertisements

დადგა შემოდგომა, მალე ბე ლიგის სეზონიც განახლდება. აკადემიამ 12 თამაში ჩაატარა. ალბათ საინტერესო იქნებოდა გავეკეთებინა მოკლე რეზიუმე თითოეულ თამაშზე. ასევე საინტერესოა მომდევნო თამაშები და პრევიუებსაც გაგაცნობთ.

12 მატჩის შეჯამება

ჯიქები – აკადემია

ჯიქები – აკადემია საკმაოდ დაძაბული თამაში იყო. ჯიქები 19:6 იგებდნენ, როდესაც მოედანზე ჩხუბი ატყდა და ორივე გუნდს წაგება ჩაეთვალა. ორივე გუნდი ბე ლიგის ტურნირის ფავორიტია, გამორიცხული არაა, რომ ეს ორი გუნდი ერთმანეთს კიდევ ერთხელ შეხვდეს.

შევარდენი – აკადემია 0:22

ეს თამაში აკადემიის პირველი მოგება იყო. მატჩი აკადემიამ საკმაოდ ადვილად და დამაჯერებელი სხვაობით მოიგო.

ხარები – აკადემია 3:12

რუსთავში გასვლა ყოველთვის რთულია, არც ეს თამაში იყო გამონაკლისი. პირველი ქულაც მასპინძლებმა გააკეთეს, მაგრამ აკადემიამ შეძლო თამაშში გარდატეხის შეტანა და შინ გამარჯვებული დაბრუნდა.

ვეფხვები – აკადემია 15:29

ამ ორი გუნდის თამაში ყოველთვის საინტერესო და სანახაობრივია. პირველივე წუთებზე აკადემიამ ორი ლელო მიიღო. ვეფხვები 12 ქულით დაწინაურდა, მაგრამ აკადემიამ ბოლომდე იბრძოლა და თოთხმეტი ქულის სხვაობით მოიგო ეს მატჩი.

აკადემია – ყოჩები 50:10

ყოჩებისგან ყველა უფრო მეტს მოელოდა. აკადემიამ ძალიან კარგად ითამაშა და სერიოზულ მეტოქესთან მატჩი 40 ქულით მოიგო.

აკადემია – ტორნადო 108:5

აკადემიამ ამ თამაშში ბე ლიგაში პირველმა მოიპოვა 100–ზე მეტი ქულა. ბე ლიგის გათამაშებიდან ამ თამაშში ყველაზე მეტი ლელო დაიდო.

აკადემია – მიმინო 78:5

მიმინო ახალი გუნდია, ამიტომაც პროგნოზი გამართლდა, აკადემიამ ყველა ასპექტით აჯობა მიმინოს და მნიშვნელოვანი ორი ქულაც ადვილად აიღო.

ყოჩები 2 – აკადემია 3:76

რადგანაც აკადემიამ ყოჩების ძირითადი გუნდი 40 ქულით დაამარცხა არავის გაკვირვებია ყოჩები 2–ის მარცხი. ამ თამაშში რამოდენიმე ახალბედამაც ითამაშა.

აკადემია – ლელო 2 87:0

აკადემიამ ლელო ორი ადვილად დაამარცხა, მაგრამ მთავარი შეხვედრა ლელოს ძირითად გუნდთან ჯერ კიდევ წინაა.

ლოკომოტივი – აკადემია 8:73

აკადემიას სეზონის წინ ჩატარებული ჰქონდა ამხანაგური მატჩი ლოკომოტივთან, ისევე როგორც ამხანაგურ მატჩში, ამჯერადაც აკადემიამ ლოკომოტივს დიდი სხვაობით მოუგო.

აკადემია – არმაზი 31:5

ასეთი იოლი მატჩების შემდეგ აკადემიას რთული თამაში ელოდა წინ. არმაზი ძლიერი გუნდია და პლეი–ოფისთვის იბრძვის, მაგრამ აკადემიას ამ გუნდის დამარცხებაც არ გასჭირვებია.

აკადემია – უნივერსიტეტი 10:3

ეს მატჩი ერთ–ერთი ყველაზე დაძაბული იყო. ამ თამაშში მხოლოდ ერთი ლელო დაიდო. აკადემიამ არდადაგებამდე ბოლო ორი ქულა აიღო და ცხრილში მეორე ადგილასაა.

მზადება მომდევნო მატჩებისათვის

აკადემიას არდადაგები უქმად არ დაუხარჯავს. 15 აგვისტოდან გუნდი ვარჯიშს შეუდგა, ხოლო 21 აგვისტოს წავიდა შეკრებაზე ცემში. ცემში შეკრება საკმაოდ ნაყოფიერი გამოდგა. ვარჯიშებიდანაც ჩანს, რომ აკადემიამ გამოასწორა ყველა ის ხარვეზი რაც წინა თამაშებში ჰქონდა.

აკადემია – ლელო

9 სექტემბერს შედგება ბე ლიგის ერთ–ერთი ყველაზე მნიშვნელოვანი მატჩი. ერთმანეთს დაუპირისპირდებიან ლელო და აკადემია. ლელო ამ გათამაშების ლიდერია, აკადემია კი მას მხოლოდ 1 ქულით ჩამორჩება. ლელომ ერთის გარდა ყველა შეხვედრა მოიგო. ლელოში გაერთიანებულია რამდენიმე გუნდი, მათ შორის: ლელო, ლელო დიღომი, მერანი, ახლახან კი რამოდენიმე მოთამაშე პატარძეულის გუნდიდან დაემატა. უდავოა ეს თამაში ორივე გუნდისთვის ყველაზე პრინციპული იქნება.

აკადემია – ხულიგანა

ხულიგანა ძალიან ძლიერი გუნდია. ის ერთადერთი გუნდია, რომელმაც ჯიქები დაამარცხა. ხულიგანა ამჯერად მეხუთე ადგილზეა. წინა საფესტივალო ასაკში აკადემია და ხულიგანას შეხვედრა ყოველთვის დაძაბული და უაღრესად მნიშვნელოვანი იყო. ეს ორი გუნდი ერთმანეთს შეხვედრია შვიდკაცის ტურნირების ფინალშიც. თამაში საკმაოდ საინტერესო უნდა გამოდგეს.

აკადემია – ივერია

ივერია მეექვსე ადგილზეა და პლეი ოფისთვის იბრძვის, ვნახოთ რა გამოუვა. ამ თამაშში აკადემია ფავორიტია.

ერთი კი ფაქტია, აკადემიას ბოლო სამი თამაში ურთულესია და გამარჯვება სამივე თამაშში აუცილებელია.

სტატისტიკა

აკადემიამ 12 თამაში ჩაატარა, აქედან 11 მოიგო.

აკადემიამ მოიპოვა 576 ქულა, ყველაზე მეტი ბე ლიგის გუნდებს შორის. საშუალოდ თამაშში აკადემია 48 ქულას აგროვებს.

აკადემიამ გაუშვა 57 ქულა, ყველაზე ნაკლები ბე ლიგის გუნდებს შორის. საშუალოდ თამაშში აკადემია უშვებს 4.75 ქულას.

აკადემიის ქულათა სხვაობა არის +519, ყველაზე მეტი ბე ლიგის გუნდებს შორის. საშუალოდ აკადემიის საშუალო სხვაობაა 43.25 ქულა.

აკადემიამ დადო 90 ლელო, ყველაზე მეტი ბე ლიგის გუნდებს შორის. საშუალოდ აკადემია თამაშში 7.5 ლელოს დებს.

აკადემიამ გაუშვა 7 ლელო, ყველაზე ნაკლები ბე ლიგის გუნდებს შორის. საშუალოდ აკადემია თამაშში 0.5 ლელოს იღებს.

21 ივნისს შედგა თამაში აკადემიასა და ლელო 2 შორის. მატჩი დიღომში, ლოკომოტივის ბაზაზე გაიმართა. სტადიონი ცუდ მდგომარეობაში იყო, წვიმის მერე არ გამშრალიყო.

აკადემიამ თამაში ასეთი შემადგენლობით დაიწყო:

1. რამაზ მაზმიშვილი

2. ბადრი ალხაზაშვილი

3. გიორგი ოზბეთელაშვილი

4. კოტე აბდუშელიშვილი

5. ზურა გაბრიჩიძე

6. გიორგი გოგლიძე

7. ლევან ახრახაძე

8. აჩი რევაზიშვილი

9. დათო ქარქაშაძე

10. უჩა გურგენიძე

11. ნიკა ადეიშვილი

12. ნიკა გამყრელიძე

13. გუკა თოფურიძე

14. ივა ხელაია

15. ილია მელაძე

აკადემია თამაშის პირველ წუთებზე დაწინაურდა.

გუკა თოფურიძე დებს ლელოს.

დათო ქარქაშაძე ურტყავს გარდასახვას ლელოელი მორაგბე ურტყავს არეკნს.

დათო ქარქაშაძე

გიორგი ოზბეთლაშვილი

დათო ქარქაშაძე

ლევან ახრახაძე და დათო ქარქაშაძე იჭერენ ლელო ორის მორაგბეს.

ნიკა გამყრელიძე ბოჭავს ლელო ორის მორაგბეს.

ნიკა გამყრელიძე

ნიკა გამყრელიძე შეტევაზეა


პოსტი ცოტა დაგვიანებით გამოქვეყნდა, მაგრამ იმედი მაქვს, რომ წაიკითხავთ და მიიღებთ სასურველ ინფორმაციას.

10 ივნისს შედგა შეხვედრა თბილისის აკადემიასა და დედფლისწყაროს მიმინოს შორის. მატჩი ლოკომოტივის სათადარიგო სტადიონზე გაიმართა. აკადემია ამ თამაშში ფავორიტი იყო.

აკადემიამ თამაში ასეთი შემადგენლობით დაიწყო:

1. ზურა გაბრიჩიძე

2. ბადრი ალხაზაშვილი

3. გიორგი ოზბეთელაშვილი

4. კოტე აბდუშელიშვილი (სანდრო ჭიღლაძე)

5. დათო თავართქილაძე

6. აჩი რევაზიშვილი

7. ლევან ახრახაძე (გიორგი მოსიძე)

8. ბაჩი კიკნაველიძე  (ავთო წოწკოლაური)

9. ლუკა ხიმშიაშვილი (ილია მელაძე)

10. უჩა გურგენიძე

11. ნიკა ადეიშვილი (გიორგი გოგლიძე)

12. ნიკა გამყრელიძე

13. გუკა თოფურიძე (გურამ ქობულაშვლი)

14. ივა ხელაია

15. დათო ქარქაშაძე (ირაკლი ანდღულაძე)

ზურა გაბრიჩიძემ პირველად ითამაშა პირველ ხაზში, ადრე იგი მეორე ხაზში თამაშობდა. დათო თავართქილაძე ადრე ფლანგზე თამაშობდა, ამ მატჩში კი მეორე ხაზში ითამაშა. აღსანიშნავია, რომ პირველად ითამაშეს სანდრო ჭიღლაძემ და გიორგი მოსიძემ.

პირველი ტაიმი აკადემიამ 33:5 მოიგო. მატჩი კი 78:5 დასრულდა. აკადემიამ 12 ლელო დადო.

4 ლელო დადო ნიკა გამყრელიძემ,

3 ლელო დადო ზურა გაბრიჩიძემ,

2 ლელო დადო გიორგი ოზბეთლაშვილმა,

1 ლელო დადეს ბაჩი კიკნაველიძემ, ლევან ახრახაძემ, ბადრი ალხაზაშვილმა, დათო ქარქაშაძემ, გიორგი გოგლიძემ.

აკადემიამ გაიტანა 9 გარდასახვა.

5 გარდასახვა გაიტანა ილია მელაძემ,

4 გარდასახვა გაიტანა დათო ქარქაშაძემ.

პოსტი ცოტა დაგვიანებით გამოქვეყნდა, მაგრამ იმედი მაქვს, რომ წაიკითხავთ და მიიღებთ სასურველ ინფორმაციას.

3 ივნისს შედგა თამაში აკადემიასა და ტორნადოს შორის. ტორნადო წელს დაარსდა და არ არის ძლიერი გუნდი. მისი მწვრთნელია დავით ცხაკაია. ამ თამაშში აკადემია უდავო ფავორიტი იყო. წინა შეხვედრა აკადემიას 50:10 ჰქონდა მოგებული, ხოლო ტორნადოს წაგებული ჰქონდა 69:3 რუსთავის ხარებთან. მატჩი დიღომში, ლოკომოტივის ბაზაზე შედგა. აკადემიის მწვრთნელებმა გადაწყვიტეს კვლავ დაესვენებინათ გიორგი გოგლიძე, ილია მელაძე და საბა შუბითიძე. ისინი ნაკრების შესარჩევზე არიან.

აკადემიამ თამაში ასეთი შემადგენლობით დაიწყო:

1. გიორგი სოლოღაშვილი

2. ბადრი ალხაზაშვილი

3. რამაზ მაზმიშვილი (ავთო წოწკოლაური)

4. კოტე აბდუშელიშვილი

5. ზურა გაბრიჩიძე

6. აჩი რევაზიშვილი (გიორგი ოზბეთელაშვილი)

7. ლევან ახრახაძე

8. ბაჩი კიკნაველიძე

9. ლუკა ხიმშიაშვილი (დათო თავართქილაძე)

10. უჩა გურგენიძე (ირაკლი ანდღულაძე)

11. ნიკა ადეიშვილი (ნიკა შარაძე)

12. ნიკა გამყრელიძე

13. გუკა თოფურიძე (გურამ ქობულაშვილი)

14. ივა ხელაია

15. დათო ქარქაშაძე

თამაშის დაწყებიდან რამოდენიმე წუთში გამოჩნდა თუ რაოდენ დიდი იყო აკადემიის უპირატესობა. აკადემიამ პირველი ტაიმი 49:5 მოიგო. მატჩი კი 108:5 დასრულდა. აკადემიამ პირველი “100” გააკეთა ამ წლის ბე ლიგაში. აკადემიამ დადო 18 ლელო:

4 ლელო დადო ზურა გაბრიჩიძემ,

3 ლელო დადეს ნიკა გამყრელიძემ და კოტე აბდუშელიშვილმა,

ორ–ორი ლელო დადეს ივა ხელაიამ და დათო ქარქაშაძემ,

ხოლო თითო–თითო ლელო დადეს: ბადრი ალხაზაშვილმა, ბაჩი კიკნაველიძემ, ნიკა ადეიშვილმა, გუკა თოფურიძემ.

რვა გარდასახვა გაიტანა დათო ქარქაშაძემ, ერთი კი დათო თავართქილაძემ.

აღსანიშნავია ის ფაქტი, რომ ახალ მოთამაშეებს მიეცათ თავის გამოჩენის საშუალება. ბე ლიგაში პირველად ითამაშეს: ავთო წოწკოლაურმა, ირაკლი ანდღულაძემ, ნიკა შარაძემ და გურამ ქობულაშვილმა.

აკადემიას შემდეგი თამაში მიმინოსთან აქვს, რომელსაც თბილისში მიიღებს.

16 ივნისს გაიმართა შეხვედრა ყოჩები ორსა და აკადემიას შორის. თამაში ლოკომოტივის სათადარიგო სტადიონზე 17:00 დაიწყო. მატჩის უდავო ფავორიტი აკადემია იყო. სტატისტიკას თუ გადავხედავთ, ვნახავთ, რომ აკადემიამ ამ თამაშამდე 47 ლელო დადო, ხოლო ყოჩები ორმა შვიდი თამაშის განმავლობაში ვერცერთი ლელო ვერ დადო. ყოჩები 2 ბე ლიგის აუტსაიდერია, მაგრამ ბიჭები ბოლომდე იბრძვიან და უკან არ იხევენ.

აკადემია თავის საუკეთესო ფორმაში შედის. ნელ–ნელა უმჯობესდება თამაშის ხარისხი და ეს მატი აკადემიის კარგი თამაშის დამადასტურებელი უნდა ყოფილიყო. ასეთ თამაშებში ახალ მორაგბეებს შანსი ეძლევათ გამოიჩინონ თავი. ორივე გუნდისთვის ეს შეხვედრა მნიშვნელოვანი იყო. აკადემიასთვის ეს არის რეპეტიცია რთულ მეტოქეებთან თამაშის წინ, ხოლო ყოჩები 2 სერიოზული გამოცდილება მიიღო.

აკადემიამ თამაში ამ შემადგენლობით დაიწყო:

1. გიორგი ოზბეთელაშვილი

2.  ბადრი ალხაზაშვილი

3. რამაზ მაზმიშვილი

4. ზურა გაბრიჩიძე

5. აჩი რევაზიშვილი

6. გიორგი გოგლიძე

7. ლევან ახრახაძე

8. ბაჩი კიკნაველიძე

9. ლუკა ხიმშიაშვილი

10. უჩა გურგენიძე

11. ნიკუშა ადეიშვილი

12. ნიკა გამყრელიძე

13. გუკა თოფურიძე

14. ივა ხელაია

15. დათო ქარქაშაძე

შეცვლებზე შემოვიდნენ: ავთო, სანდრო, ოთო, გურამი, კოტე, ილია, გიორგი.

აკადემიამ დადო პირველი ლელო, რასაც მოჰყვა სხვა ლელოები. საბოლოო ჯამში, აკადემიამ თორმეტი ლელო დადო და რვა გარდასახვა გაიტანა. ყოჩები ორმა კი მხოლოდ ერთი ჯარიმით უპასუხა მეტოქეს. მატჩი დასრულდა 76:3 და აკადემიამ 2 ქულა ჩაიწერა.

აკადემიამ დადო 12 ლელო.

2 ლელო დადეს ნიკა ადეიშვილმა და ზურა გაბრიჩიძემ.

1 ლელო დადეს გიორგი ოზბეთელაშვილმა, ლევან ახრახაძემ, უჩა გურგენიძემ, დათო თავართქილაძემ,  ნიკა გამყრელიძემ, ილია მელაძემ, ივა ხელაიამ, დათო ქარქაშაძემ.

აკადემიამ გაიტანა 8 გარდასახვა.

5 გარდასახვა გაიტანა ილია მელაძემ,

3 გარდასახვა გაიტანა დათო ქარქაშაძემ.

რვა თამაშის შემდეგ, ჩვენ შეგვიძლია  გავეცნოთ სტატისტიკას და დავსკვნათ, რომ აკადემიამ მოაგროვა 375 ქულა (ყველაზე მეტი), გაუშვა 41 (ყველაზე ნაკლები), დადო 59 ლელო (ყველაზე მეტი). აკადემია საშუალოდ თითოეულ თამაშში აკეთებს 46 ქულას, იღებს 6 ქულას და დებს7 ლელოს. ალბათ დამეთანხმებით, რომ ეს შესანიშნავი შედეგია. ამ დროისთვის აკადემია იმყოფება მეორე ადგილზე ცამეტი ქულით და მხოლოდ ერთი ქულით ჩამორჩება ლელოს.

27 მაისს ლოკომოტივის სტადიონზე შედგა თამაში აკადემიასა და ყოჩებს შორის. მზიანი ამინდი იყო, ცოტა ცხელოდა, მაგრამ დამეთანხმებით, რომ წვიმას ისევ მზე სჯობს. აკადემიის ბე ლიგიდან ილია მელაძე, გიორგი გოგლიძე და საბა შუბითიძე ჩვიდმეტწლამდე ეროვნული ნაკრების შესარჩევზე არიან. მათ უკვე გადალახეს პირველი ეტაპი. მწვრთნელებმა ლევან ობოლაძემ და გიორგი ელიზბარაშვილმა გადაწყვიტეს დაესვენებინათ ეს სამი მოთამაშე.

ყოჩებისგან სეზონის დასაწყისში ყველა ელოდა, რომ ძლიერი გუნდი იქნებოდა. ყოჩების გუნდში ბევრი მოთამაშეა და ორ გუნდად გამოდიან. ყოჩებმა იმედები ვერ გაამართლეს და სეზონი წარუმატებლად დაიწყეს. აკადემია ამ თამაშში უდავოდ ფავორიტი იყო.

აკადემიამ თამაში ამ შემადგენლობით დაიწყო:

1. გიორგი სოლოღაშვილი

2. რამაზ მაზმიშვილი

3. გიორგი ოზბეთელაშვილი

4. კოტე აბდუშელიშვილი

5. ზურა გაბრიჩიძე

6. აჩი რევაზიშვილი

7. ბადრი ალხაზაშვილი

8. ბაჩი კიკნაველიძე

9. ლუკა ხიმშიაშვილი

10. უჩა გურგენიძე

11. ივა ხელაია

12. ნიკა გამყრელიძე

13. გუკა თოფურიძე

14. ნიკა ადეიშვილი

15. დათო ქარქაშაძე

აკადემიამ რვა ლელო დადო. ფეხი ძალიან კარგად ურტყა დათო ქარქაშაძემ და ხუთი გარდასახვა გაიტანა და ააცილა ორი. დათომ პირველად დაარტყა ფეხი ოფიციალურ თამაშში. ყოჩებმა მხოლოდ ერთი ლელოს დადება მოახერხეს. მათ ერთი რეალიზაციდა და ერთი ჯარიმა გაიტანეს. აკადემია აგრძელებს წარმატებულ სერიას. შემდეგი თამაშში აკადემია ტორნადოს შეხვდება.

%d bloggers like this: